ആകാശം ഒരു പോലെ വിശാലമാണ് ,

തളരാത്ത ചിറകുള്ളവൾ
തുറന്ന കണ്ണുകളുമായി
 അതിരില്ലാതെ പാറി നടക്കും ,

നൂൽച്ചരടിന്നറ്റത്ത് ,
സ്വയം കെട്ടി  ചില പട്ടങ്ങൾ പാറും,
അവർക്ക് സർവയലൻസിന്റെ
പരിധികളുണ്ട് .

മയിൽ പീലി പെണ്ണുങ്ങൾ സുന്ദരികളാണ് ,
വെളിച്ചം കണ്ടാൽ പ്രസവിക്കുന്നതിനാൽ,
താളിന്നിടയിലെ ഇരുട്ടിലൊളിഞ്ഞ് -
അവർ ആകാശം കാണും .

ആകാശം ഇപ്പോഴും വിശാലമാണ്
നമ്മളിലേക്കിടുങ്ങിയത്
നമ്മൾ മാത്രമാണ് .....