വിശ്വാസങ്ങളുടെ തലതൊട്ടപ്പന്മാർ
 പണ്ടെങ്ങോ പറഞ്ഞു,
ഭൂമി പരന്നങ്ങനെ കിടക്കയാണെന്ന്.
അറ്റത്തെത്തിയാൽ
 കാലുതെന്നി നടുവടിച്ച് വീഴുമെന്ന്.

പെണ്ണുങ്ങളായ പെണ്ണെല്ലാം
ലോകത്തിന്റെ വിശാലതയിൽ ഭയന്ന്,
വിലക്കിന്റെ അവനവനിടങ്ങളിൽ ചേക്കേറി.

ഉച്ചിയിലടിച്ച വെട്ടം പോലെ ശാസ്ത്രം പറഞ്ഞു,
ഭൂമിയൊരു കോഴിമുട്ട പോലെയെന്ന്.

അറ്റത്തെത്തിയാൽ
കാലിടിച്ചിനി വീഴില്ലല്ലോ!
എന്ന് പെണ്ണൊരുത്തി ചോദിച്ചപ്പോൾ,

ശാസ്ത്രമങ്ങനെ പലതും പറയും
നീയാ മുട്ടക്കുള്ളിൽത്തന്നെ ഇരുന്നോ എന്ന് .......