മരണം
വയോവൃദ്ധരുടെ
നെഞ്ചു തുളച്ച
വെടിയുണ്ടകളായിരുന്നില്ല

അത് ഭയപ്പെടുത്തലായിരുന്നു
നിശബ്ദമാക്കലായിരുന്നു
കുഴിച്ചുമൂടലുകളായിരുന്നു

മരണത്തിനപ്പുറം
തിരിച്ചറിവുകൾക്കൊരു
പിറവിയുണ്ട്

മൂടിവച്ചയിടങ്ങളിലവ
തഴച്ചു വളരും

നിശബ്ദതയിൽ നിന്ന്
മഹാ വിസ്ഫോടനങ്ങളാവും

ഭയം കണ്ണുകൾക്കു മുന്നിൽ
നിന്നോടിയൊളിക്കും

ആക്രോശങ്ങളെ
ചരിത്രം ചവറ്റുകുട്ടകളിലേക്കെറിയും

തോൽവിയുടെ പരിഭ്രാന്തി മറയ്ക്കുവാൻ
കൊന്നു തള്ളിയവർക്കു മേൽ
 വീണ്ടുമവർ നിറയൊഴിക്കും

 പ്രതിരോധം
നിശബ്ദതയുടെ ഒളിയിടങ്ങളിലല്ല
മാനവികതയുടെ മഹാ ശബ്ദങ്ങളിലാണ് .....