വെളിച്ചമെത്താത്ത കോണുകൾ ,
നിങ്ങൾ പെണ്ണിനായി കരുതി വയ്ക്കരുത്.
അവളെ ചിതലെടുത്ത് പോവും .

മഴയും വെയിലുമേറ്റാലും,  പനിച്ചു പൊങ്ങാത്ത ബാല്യവും ,
ഭയത്തിന്റെ കണ്ണിൽ നോക്കിച്ചിരിക്കുവാ-
നൊരുനൂറ് നിറങ്ങളും നൽകുക.

മുട്ടക്കുള്ളിലാണ് ലോകമെന്നും,
വിലക്കുകൾ കരുതലാണെന്നും
പറയുന്ന കാലത്തോളം ,
ഉള്ളിലെ അഗ്നിയെ അവളെങ്ങനെ തിരിച്ചറിയും ?
സ്വത്വമപ്പോഴും ഇനിയും പിറക്കാത്ത നിഴലുകളായിരിക്കും.......