ആഞ്ഞൊന്നു തള്ളി മടുത്തപ്പോൾ
കാലിയായ ഇന്ധന ടാങ്കിന്റെ
പള്ള നിറക്കാൻ
വാ കീറിയ ദൈവം ഇരയും തരുമെന്ന്
വാതോരാതെ പറഞ്ഞവൻ
തെല്ലൊരു ശങ്കയില്ലാതെ
വച്ചുപിടിച്ചത് പെട്രോൾ പമ്പിലേക്ക്
ശാസ്ത്രം ജയിച്ചോന്ന് ചോയ്ച്ചാ!

ദേ ചൊവ്വയിലേക്കു
പാഞ്ഞുകയറാൻ വാലറ്റത്തു
തീ കൊടുക്കും മുന്നേ
നാരങ്ങയും മുളകും കോർത്തവന്റെ
നെറുകന്തലയിലേയ്ക്കു
ശാസ്ത്രബോധമൊന്നെത്തി നോക്കി .