കരിമുകിൽ മുടിയഴിച്ചിട്ട പെണ്ണ്
തുളസിക്കതിരുലഞ്ഞ സ്ത്രൈണതയല്ല
കരിമ്പനയ്ക്കു മുകളിലെ
പാലപ്പൂ മണമുള്ള യക്ഷികൾ
പ്രണയമവളിൽ
നമ്രശിരസ്കയായി
കാൽനഖച്ചിത്രം കോറില്ല
നോട്ടങ്ങളിലവൾ
ശ്വാസവേഗങ്ങളെ പിടിച്ചുകെട്ടും
അന്തിത്തിരിയണയവേ ഉടൽമണമൊളിപ്പിക്കുംപാതിയല്ലവൾ
ഉന്മാദത്തിന്റെ മാദകഗന്ധമായ്
അവളങ്ങനെ ഒഴുകി നടക്കും .
ഉടലിന്റെ ഉപ്പു നോക്കാനായുന്നവനിൽ
ഇരയുടെ ദൈന്യതയിൽ
തല കുനിച്ചിരിക്കില്ലവൾ
ദംഷ്ട്രകളിൽ ഒടുക്കത്തെ നിണവും മോന്തിക്കുടിച്ച്
അവളങ്ങനെ ഞെളിഞ്ഞു നിൽക്കും
പൗരോഹിത്യങ്ങളുടെ ആണികൾ വലിച്ചൂരി
അവളങ്ങനെ അട്ടഹസിച്ചു കൊണ്ടേയിരിക്കും
അസമയമാണ് പുറത്തിങ്ങരുത്
എന്ന ജല്പനങ്ങൾക്കു മേൽ
അവളിപ്പോഴും അലസമായ പരിഹാസച്ചിരി ചിരിക്കും ,
ചങ്ങലത്തഴമ്പിൽ നിന്നും
സ്വതന്ത്ര സഞ്ചാരങ്ങളുടെ
ദൂരത്തെ നോക്കിയവർ
യക്ഷിയെന്ന് വിളിക്കും
അപ്പൊഴും പിഴുതെറിപ്പെടാൻ
ആണികൾ ആക്രോശിച്ചു കൊണ്ടേയിരിക്കും ......
തുളസിക്കതിരുലഞ്ഞ സ്ത്രൈണതയല്ല
കരിമ്പനയ്ക്കു മുകളിലെ
പാലപ്പൂ മണമുള്ള യക്ഷികൾ
പ്രണയമവളിൽ
നമ്രശിരസ്കയായി
കാൽനഖച്ചിത്രം കോറില്ല
നോട്ടങ്ങളിലവൾ
ശ്വാസവേഗങ്ങളെ പിടിച്ചുകെട്ടും
അന്തിത്തിരിയണയവേ ഉടൽമണമൊളിപ്പിക്കുംപാതിയല്ലവൾ
ഉന്മാദത്തിന്റെ മാദകഗന്ധമായ്
അവളങ്ങനെ ഒഴുകി നടക്കും .
ഉടലിന്റെ ഉപ്പു നോക്കാനായുന്നവനിൽ
ഇരയുടെ ദൈന്യതയിൽ
തല കുനിച്ചിരിക്കില്ലവൾ
ദംഷ്ട്രകളിൽ ഒടുക്കത്തെ നിണവും മോന്തിക്കുടിച്ച്
അവളങ്ങനെ ഞെളിഞ്ഞു നിൽക്കും
പൗരോഹിത്യങ്ങളുടെ ആണികൾ വലിച്ചൂരി
അവളങ്ങനെ അട്ടഹസിച്ചു കൊണ്ടേയിരിക്കും
അസമയമാണ് പുറത്തിങ്ങരുത്
എന്ന ജല്പനങ്ങൾക്കു മേൽ
അവളിപ്പോഴും അലസമായ പരിഹാസച്ചിരി ചിരിക്കും ,
ചങ്ങലത്തഴമ്പിൽ നിന്നും
സ്വതന്ത്ര സഞ്ചാരങ്ങളുടെ
ദൂരത്തെ നോക്കിയവർ
യക്ഷിയെന്ന് വിളിക്കും
അപ്പൊഴും പിഴുതെറിപ്പെടാൻ
ആണികൾ ആക്രോശിച്ചു കൊണ്ടേയിരിക്കും ......
No comments:
Post a Comment