Frames

പറക്കുവാൻ ചിറകു മുളയ്ക്കുമ്പോൾ
എന്റെ ആകാശങ്ങൾ
ഒരു വൃത്തത്തിനുള്ളിലായിരുന്നു

അതിന്റെ ചാപങ്ങളുടെ ഘർഷണത്തിൽ
എന്റെ ചിറകെത്ര ഉരസി മുറിഞ്ഞിട്ടുണ്ട്

വൃത്തത്തിനുള്ളിൽ മാത്രം കീ തിരിച്ചാൽ
നൃത്തം ചെയ്യുന്ന സുന്ദരിപ്പാവകൾ

അരികുകൾ ഭേദിക്കാതെ
അവയെല്ലാം ഒരേ പോലെ ചലിക്കുന്നു

അദൃശ്യമായ ഞാണുകളേന്തിയ പൊതുബോധം
 അവരുടെ അടക്കത്തെ വാഴ്ത്തി

വിലക്കിന്റെ അതിർത്തികൾക്കുള്ളിൽ മാത്രം
കിട്ടുന്ന കരഘോഷങ്ങളെ വിട്ട്

സ്വത്വബോധത്തിന്റെ ചിറകിൽ നിണമിറ്റും
ഞാനാ ചാപങ്ങളോട് കലഹം തുടരുന്നു ......